ገድለ ታሪክ

የደናግል መመኪያቸው የቅድስናቸው አክሊል ሆይ እኔን ከኃጥአን ሁሉ ይልቅ የረከስኩትን፤ አንቺን ከመውደድ በልጅሽ በወዳጅሽ በባሕርይ ሕይወቱ በመንፈስ ቅዱስ ከማመን በቀር ሌላ ትሩፋት የሌለኝን ይቅር በዪኝ ይቅር አሰኝኝ።

በዕብራይስጥ ማሪሃም የተባልሽ የተመረጥሽ እመቤቴ ድንግል ማርያም ሆይ የምሕረት ፈሳሽ ምንጭ የሚሆን ልጅሽን ኃጢአቴን እንዳያስብብኝ ለምኝው።

በኃጢአት ሁሉ እንደ እኔ ያለ በደለኛ የለም። እንደ ልጅሽም ቸር ሰው ወዳጅ ይቅር ባይ ከመዓት የራቀ ምሕረቱ የበዛ እውነተኛ የለም።

አንቺ ከተወለድሽ ጀምሮ ሰይጣን ፈጽሞ እረፍት አላገኘም። በአንቺ ታመመ በልጅሽም ተጨነቀ። በአንድ ልጅሽ መስቀል ሥቃይ አገኘው። ስለዚህ ከፍጡራን ወገኖች ሁሉ ይልቅ ሰይጣን አንቺን ይጠላል።